ابنشد عن نور القمر وش لون نورهم ؟؟؟؟؟ظ

بسم الله الرحمن الرحيم السلام عليكم ورحمة الله وبركاته


كل احد يعرف ان اروع قصص الحب العذري كانت في السابق ..




منهم ناس معروفين الى هذه اللحظه مثل قيس وليلى ..




ومنهم ناس موبمعروفين ..الله يرحمهم















قصه حقيقه حصلت في قريه قريبة من مدينةالرياض في السعوديه قبل ان تسمى الرياض.




كان هناك شاب اسمه عايش يعيش في هذه القريه وكان يحب بنت اسمهانوره




وفي يوم من الايام ذهب عايش لكي يخطب نوره ولكن ابو نوره رفض









لأن عايش كان على قد حاله وماعنده حلال ولا عنده فلوس كثيره




فشاف عايش نوره عقب ما طلع من عندابوها




وقالها : نوره انا راح يصير عندي فلوس وراح اشتغل وراح ارجع اخطبك واتزوجك




ونوره كانت تحب عايش فوافقت انهاتنتظره.









سافر عايش الى منطقه أخرى بعيده وصاريشتغل في التجاره




ومرت الايام وصار عنده فلوس ورجع لقريته عشان يطلب يد نوره من جديد ويتزوجها




ولكن لما رجع القريه تفاجى انه نوره تزوجت لان ابوها اصر عليها انها تتزوج!!









وكان عندهم البنيه لازم تتزوج اذا جاها شاب قادر على الزواج.




وتفاجى ايضا انها مب بس تزوجت بل هاجرت الى مكان ثاني مع رجلها ولا احد من القريه يعرف المكان.









فقام صاحبنا عايش وقال بيت شعر)آبنشدك عن نور القمروشلون نوره(




وقرر يسافر ويدور على نوره.




ومر على القريه الاولى وراح وسلم على امير القريه وقاله اناعندي لغز واللي يجاوب عليه بعطيه كل حلالي.!




فقاله الامير وشو اللغز قال: )ابنشدك عن نور القمر وشلون نوره؟(




احد الجالسين قال له ابيض .. واحد ثاني قاله اصفر وكل الاجوبه غلط محد عرف حل اللغز.




فسافر الى قريه ثانيه وطرح عليهم نفس اللغز ومحد عرف الجواب




راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي!




قالهم)ابنشدك عن نور القمروشلون نوره؟(




محد عرف الجواب .. فقالهم انااليوم بنام عندكم لاني تعبان واللي يعرف الجواب يقوله لي الصبح!!




ومن بين الحضور كان زوج نوره موجود فرجع للبيت




وقالها : نوره !! قالت له : سم؟




قال: جانا اليوم واحد خبل يقول عندي لغز و اللي يحله بعطيه مالي وحلالي كله, فقالت له : قولي وشو اللغز يمكن أحله؟؟




قالها)ابنشدك عن نور القمر وشلون نوره؟(فبتسمت نوره




وقالت له :عرفت الجواب ،،،،،قاللها : صدق؟









قالت له : قوله)مثل السمك في البحر وشلون عايش؟(




فقام الصبح رجل نوره وراح وقاله: انا عرفت الجواب
فقاله : وشو الجواب؟؟




قاله)مثل السمك في البحر وشلون عايش؟(









فبتسم عايش ..
وقاله هذا مالي وحلالي وسلملي على نوره !..