الوقـائـي : الووووو ..؟!
الشـاب : وعليكم السلام
الوقـائي : فـلان معـي ؟!
الشـاب : نعم .. معك فلان .. اتفضل ..؟!
الوقـائـي : معك الأمن الوقائي .!
الشـاب : أهلا وسهلا .. أي خدمة ؟!
الوقـائـي : بس بدنا اياك بكرة الساعة 10 بمقر الوقائي بالمدينة .. عندك استدعاء وحابين نشوفك وندردش شوي مع بعض .. !
الشـاب : أسلوب جديد .. الاتصال على الجوال .. شو من متى هذا بتستخدموه .؟!
الوقـائـي : بلاش فلسفة وكثرة كلام واعرف مع مين بتحكي !!!!
الشـاب : طيب .. احنا بمصالحة .. وسمعنا انه الاستدعاءات توقفت .. وانه السيد الرئيس حكى فش استدعاءات واعتقالات سياسية بعد اليوم .!
الوقـائـي : انت شكلك بدك تغلينا وتخلينا نزعل منك .. قلنا بلاش كثرة كلام وبكرة بتكون عنا على الموعد .. وإلا راح نعمل ونسوي .!!
الشـاب : بكرة عندي جامعة وما بقدر اجييكم .. عندي اختبار ولازم اكون بقاعة الاختبار على الساعة العاشرة .!
الوقـائـي : طيب بعد بكرة بتكون عنا بنفس الميعاد .. ماشي ؟!
الشـاب : لا بكرة ولا بعده .. انا استدعاءات مش رايح ..!!
وبعدين هذا الاتصال على الجوال غير قانوني .. وفش حاجة بالقانون اسمه استدعاء عبر الجوال .!! والمصالحة معناها تتوقف كل هاي الشغلات ... وللي بدكم اياه اعملوه .!!
تووووت تووووت تووووت ..( فصل الخط )
الوقائي يحاول الاتصال من جديد والرقم مشغول ..!!
وكأن الرد الآلي للجوال يقول للوقائي ... " الرقم الذي تحاول الاتصال به حالياً لا يمكنه الرضوخ لسياستكم بعد الان يرجى عدم تكرار هذه المحاولة ثانية "
الحملة الشبابية لرفض الاستدعاءات في الضفة
موضوع: اتصال بين الامن الوقائي وأحد شباب الضفة 
الإثنين يونيو 06, 2011 3:02 pm
